sabkhush

Sri Hanuman Chalisa

ENGLISH...

Shri guru charan saroj raj nij mane mukure sudhaari
 Varnao raghuvar vimal jasu jo daayaku phal chaari
 Budhi hin tanu janike sumirau pavan kumaram
 Bal budhi vidya dehu mohe harahu kalesavikaar
 
 Jai hanuman gyan gun saagar,  Jai kapis tihun lok ujaagar
 Ram doot atulit bal dhaama,  Anjani-putra pavan sut naama
 Mahavir vikram bajrangi,  Kumati nivaar sumati ke sangi
 Kanchan varan viraaj subesa,  Kaanan kundal kunchit kesaa
 Haath vajra aur dhuvaje viraaje,  Kandhe moonj janehu saaje
 
 Shankar suvan kesri nandan,  Tej prataap maha jag vandan
 Vidyavaan guni ati chaatur,  Raam kaaj karibe ko aatur
 Prabhu charitra sunibe ko rasiya, Raam lakhan sita man basiya
 Sukshma roop dhari siyahi dikhaava, Vikat roop dhari lanka jalaava
 Bhima roop dhari asur sanghaare, Ramachandra ke kaaj sanvaare
 
 Laaye sanjivan lakhan jiyaaye, Shri raghuvir harashi ur laaye
 Raghupati kinhi bahut badhaayi, Tum mam priye bharat-hi sam bhaai
 Sahas badan tumharo yash gaave, As kahi shripati kanth lagaave
 Sankadik brahmadi muneesa, Naarad saarad sahit aheesa
 Yam kuber digpal jahan te, Kavi kovid kahi sake kahan te
 
 Tum upkaar sugreevahin keenha, Ram milaay rajpad deenha
 Tumharo mantra vibheeshan maana, Lankeshwar bhay sub jag jaana
 Yug sahastra jo jan par bhaanu, Leelyo tahi madhur phal jaanu
 Prabhu mudrika meli mukh maahee, Jaladhi langhi gaye achraj naahee
 Durgaam kaaj jagat ke jete, Sugam anugraha tumhre tete
 
 Ram dware tum rakhvaare, Hoat na agya binu paisare
 Sub sukh lahai tumhari sarna, Tum rakshak kaahu ko darna
 Aapan tej samhaaro aapai, Teenhon lok haank te kanpai
 Bhoot pisaach nikat nahin aavai, Mahaavir jab naam sunavai
 Naase rog harai sab peera, Japat nirantar hanumant beera
 
 Sankat se hanuman chudavai, Mann karam vachan dyan jo lavai
 Sab par raam tapasvee raaja, Tinke kaaj sakal tum saaja
 Aur manorath jo koi lavai, Sohi amit jeevan phal pavai
 Charon yug partap tumhaara, Hai persidh jagat ujiyaara
 Saadhu sant ke tum rakhwaare, Asur nikandan ram dulhaare
 
 Ashta sidhi nav nidhi ke dhaata, Us var deen janki maata
 Raam rasaayan tumhare paasa, Sada raho raghupati ke daasa
 Tumhare bhajan raam ko pavai, Janam janam ke dukh bisravai
 Anth kaal raghuvir pur jayee, Jahaan janam hari-bakht kahayee
 Aur devta chit na dharehi, Hanumanth se hi sarve sukh karehi
 
 Sankat kate mite sab peera, Jo sumirai hanumat balbeera
 Jai jai jai hanuman gosahin, Kripa karahu gurudev ki nyahin
 Jo sat baar paath kare koyi, Chutehi bandhi maha sukh hoyi
 Jo yah padhe hanuman chalisa, Hoye siddhi sakhi gaureesa
 Tulsidaas sada hari chera, Keejai das hrdaye mein dera

!!DOHA!!
 Pavantnayi sankat harana mangal murti roopa, Ram lakhan sita sahita hrdaye basahu sur bhoopa

HINDI..


॥दोहा॥

श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥

बुद्धिहीन तनु जानिके सुमिरौं पवन-कुमार ।
बल बुधि बिद्या देहु मोहिं हरहु कलेस बिकार ॥

॥चौपाई॥

जय हनुमान ज्ञान गुन सागर ।
जय कपीस तिहुँ लोक उजागर ॥१॥

राम दूत अतुलित बल धामा ।
अञ्जनि-पुत्र पवनसुत नामा ॥२॥

महाबीर बिक्रम बजरङ्गी ।
कुमति निवार सुमति के सङ्गी ॥३॥

कञ्चन बरन बिराज सुबेसा ।
कानन कुण्डल कुञ्चित केसा ॥४॥

हाथ बज्र औ ध्वजा बिराजै ।
काँधे मूँज जनेउ साजै ॥५॥

सङ्कर सुवन केसरीनन्दन ।
तेज प्रताप महा जग बन्दन ॥६॥

बिद्यावान गुनी अति चातुर ।
राम काज करिबे को आतुर ॥७॥

प्रभु चरित्र सुनिबे को रसिया ।
राम लखन सीता मन बसिया ॥८॥

सूक्ष्म रूप धरि सियहिं दिखावा ।
बिकट रूप धरि लङ्क जरावा ॥९॥

भीम रूप धरि असुर सँहारे ।
रामचन्द्र के काज सँवारे ॥१०॥

 लाय सञ्जीवन लखन जियाये ।
श्रीरघुबीर हरषि उर लाये ॥११॥

 रघुपति कीह्नी बहुत बड़ाई ।
तुम मम प्रिय भरतहि सम भाई ॥१२॥ 


सहस बदन तुह्मारो जस गावैं ।
अस कहि श्रीपति कण्ठ लगावैं ॥१३॥

 सनकादिक ब्रह्मादि मुनीसा ।
नारद सारद सहित अहीसा ॥१४॥

 जम कुबेर दिगपाल जहाँ ते ।
कबि कोबिद कहि सके कहाँ ते ॥१५॥ 


तुम उपकार सुग्रीवहिं कीह्ना ।
राम मिलाय राज पद दीह्ना ॥१६॥

 तुह्मरो मन्त्र बिभीषन माना ।
लङ्केस्वर भए सब जग जाना ॥१७॥

 जुग सहस्र जोजन पर भानु ।
लील्यो ताहि मधुर फल जानू ॥१८॥ 


प्रभु मुद्रिका मेलि मुख माहीं ।
जलधि लाँघि गये अचरज नाहीं ॥१९॥

 दुर्गम काज जगत के जेते ।
सुगम अनुग्रह तुह्मरे तेते ॥२०॥

 राम दुआरे तुम रखवारे ।
होत न आज्ञा बिनु पैसारे ॥२१॥

 सब सुख लहै तुह्मारी सरना ।
तुम रच्छक काहू को डर ना ॥२२॥

 आपन तेज सह्मारो आपै ।
तीनों लोक हाँक तें काँपै ॥२३॥

 भूत पिसाच निकट नहिं आवै ।
महाबीर जब नाम सुनावै ॥२४॥

 नासै रोग हरै सब पीरा ।
जपत निरन्तर हनुमत बीरा ॥२५॥

 सङ्कट तें हनुमान छुड़ावै ।
मन क्रम बचन ध्यान जो लावै ॥२६॥

 सब पर राम तपस्वी राजा ।
तिन के काज सकल तुम साजा ॥२७॥ 


और मनोरथ जो कोई लावै ।
सोई अमित जीवन फल पावै ॥२८॥

 चारों जुग परताप तुह्मारा ।
है परसिद्ध जगत उजियारा ॥२९॥

 साधु सन्त के तुम रखवारे ।
असुर निकन्दन राम दुलारे ॥३०॥

 अष्टसिद्धि नौ निधि के दाता ।
अस बर दीन जानकी माता ॥३१॥

 राम रसायन तुह्मरे पासा ।
सदा रहो रघुपति के दासा ॥३२॥

 तुह्मरे भजन राम को पावै ।
जनम जनम के दुख बिसरावै ॥३३॥

 अन्त काल रघुबर पुर जाई ।
जहाँ जन्म हरिभक्त कहाई ॥३४॥

 और देवता चित्त न धरई ।
हनुमत सेइ सर्ब सुख करई ॥३५॥

 सङ्कट कटै मिटै सब पीरा ।
जो सुमिरै हनुमत बलबीरा ॥३६॥

 जय जय जय हनुमान गोसाईं ।
कृपा करहु गुरुदेव की नाईं ॥३७॥

 जो सत बार पाठ कर कोई ।
छूटहि बन्दि महा सुख होई ॥३८॥ 


जो यह पढ़ै हनुमान चालीसा ।
होय सिद्धि साखी गौरीसा ॥३९॥

 तुलसीदास सदा हरि चेरा ।
कीजै नाथ हृदय महँ डेरा ॥४०॥

 ॥दोहा॥

पवनतनय सङ्कट हरन मङ्गल मूरति रूप ।
राम लखन सीता सहित हृदय बसहु सुर भूप ॥

sabkhush

Monday, March 21, 2016

Sankat Mochan

Sri Hanuman Chalisa